Ibai-arte, Arrasateko dendarien elkarteak jakinarazi du, Arrasate Blues jaialdia antolatu izana apustu positiboa izan dela eta "pozik eta harro" daudela jaialdiak eman duenarekin. Bereziki uztailaren 19tik 21era bitartean izandako emanaldiek herrian sortutako giroa azpimarratu du elkarteak.
Hamahiru kontzertu
Arrasateko dendarien elkartearen esanetan, uztailean zehar hamahiru kontzertu izan dira eta azken hilabetetan jaialdi hau antolatzeko izugarrizko lana egin dute: "Hau dena posible egiteko ezinbestekoa izan da Ibai-arte elkarteko kideen gogoa, ilusioa eta lanerako gaitasuna. Etorkizunean ere halaxe jarraituko dugu, herriaren alde barruan daukagun onena ematen".
Herriko ostatu eta tabernak
Ibai-artek udalaren eskutik jasotako babesa eskertu du, baina herriko ostatu zein tabernak ez ditu ahaztu: "Asko estimatzen dugu herriko hainbat ostatu eta tabernak emandako bultzada: Taupa, Kajoi, 1990 Gastroteka, Itzala, Aterpe, Monte, Tantaka eta Ezkiña. Denon artean errazago eramango dugu Arrasate aurrera".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
