Honako lau taldeetan egingo dute aurrerantzean lan: babes ekonomikoa – epaiketaren gastuei aurre egiteko ekintzez arduratuko da–, ekimenak –auziari ikusgarritasuna emateko ekintzak–, harremana –herriko eragileen atxikimenduak lortzeko– eta komunikazio taldea.
Ekintza gehienak irailean egingo dira, epaiketaren ataritan, baina ez dute baztertu horietako batzuk lehenago ere egitea. Esan bezala epaiketa irailaren 16an hasiko da, eta bi egun lehenago manifestazio nazionala dago deituta Bilbon. Bertara joateko Arrasatetik autobusak antolatuko dituzte.
