Joan den astelehenean, uztailaren 15ean, egindako elkarretaratzearen ondoren Debagoieneko ESIko zuzendaritzak hartutako neurria "adabaki bat" izan dela arazoarendako adierazi dute, instalaziorik behar ez duen aire girotuko aparatu bat jarri dutelako Kardiologian. "Arineketan hartutako neurri horrez gain, Zuzendaritzak proposatu duen konponbide bakarra zera da: Arrasateko osasun zentroko eraikineko lehengo ospitalizazioko bigarren solairuan obratan ari direnez, klimatizazio-sistema bat sartzea. Baina bigarren solairu horretan bakarrik", diote.
Hala, ez dutela konponbiderik jarri mahai gainean eraikineko gainerako solairuetarako ezta osasun-zentrorako ere, gaineratu dute ELAko ordezkariek, Lehen Arreta "bigarren mailara baztertuz berriz ere".
