Hain zuzen, Arrasateko hitzorduarekin amaituko da Opena, eta aurrealdeko postuengatik lehian dabiltzan pilotuek dena izango dute bertan jokoan. Opena martxoan hasi zuten, Tortosan (Katalunia), bigarren hitzordua Madrilen antolatu zuten, La Adradan, hirugarren lasterketa maiatzean izan zen, Coruñan, eta pilotuak Tenerifera (Teror) joan ziren ekainaren 2an. Esan moduan, Arrasatekoa izango da azken hitzordua, irailaren 29an.
Izen ematea, zabalik
Arrasateko lasterketarako izenematea Espainiako Federazioaren webgunearen bitartez egin behar da (rfec.com). Txapelketa ofizialetan parte hartzeko, federatuta daudenek 40 euro ordaindu beharko dituzte eta federatuta ez daudenek, 52 euro, eta irailaren 13a izango da izena emateko azken eguna. Hala, informazio gehiago gura duenak enduroarrasate@gmail.com helbidera idatz dezake.
