Orain arte, Arrasatekoak 15,80ko marka zeukan, 2017an Grosseton (Italia) lortutakoa, eta asteburuan marka hori bi zentimetro hobetu du (15,82). Iñigo Uribarrenek, 15,43ko saltoa eginda, zilarra jantzi zuen. Pista estalian 15,50 egin du aurten, ez da 2016-17ko denboraldiko marka ikusgarrietara iritsi –16,05 aire librean; 16,17 pista estalian–, baina iaz lesioek baldintzatutako urte txarra atzean utzi du, eta hori albiste ona da. Emakumezkoetan, berriz, Malen Ruiz de Azuarendako izan zen urrezko domina. Arrasatekoak pista estalian egindako 4,38tik gertu egon gura zuen; gertu izan zuen 4,36ko marka, baina ez zuen lortu (4,25).