Nepalgo, Kolonbiako, Kamerungo edota Saharako ukituak dituzten arroz ezberdinak dastatu dituzte Munduko Arrozen Festan. Arrozen bueltan elkar ezagutzea da ekimenaren helburua eta SOS Arrazakeriak, Gurutze Gorriak, IMME, Activos por Un Mundo Solidario taldeak, Arrasateko Aniztasun Sailak, Arrasateko HHI elkarteak eta Ekin Emakumeak taldeek elkarrekin antolatu duten hitzordua arrakastatsua izan da beste behin.
Arrozez gain, Nikaraguako edota Kolonbiako musikariek ederki girotu dute Seber Altube plaza, eta gaztetxoek mural kolektibo bat margotzeko aukera ere izan dute. Gainera, hennarekin eskuetan marrazkiak egin eta egin ibili dira bai gazte zein helduak.
