Lehenengo kilometroetan Zubillagatik eta Eskoriatzako Aingeru Guardatik itzulia egin eta gero ziklistek Arrasaterako bidea hartu dute. Handik Aramaiorantz joan dira –Olandixoko tuneletik–, eta Azkoagain auzora joan ostean, Untzillan, Suñarako bidea hartu eta, kontuz egin beharreko jaitsiera izan dute, Gesalibartik Arrasatera joanda Garibaien amaitu da lasterketa.
Hainbat eroriko ere izan dira Untzilako jaitsieran, baina antolatzaileek adierazi dute ez dela ezer larririk gertatu.
Antolatzaileak "pozik"
Dorletako ama Txirrindulari Elkarteko Ander Elortondo kideak adierazi duenez, "dena ondo joan da. Txirrindulariak pozik daude, eta erorketak izan dira, baina ez da ezer larririk gertatu. Aurten ibilbide berria zen, segurtasun betebehar berriengatik, eta ematen duenez, jendeak ondo hartu du bide berria. Arrasateko Motorzaleak, zikloturistak, UDAko kideak Aretxabaletan, Eskoriatzako boluntario taldekoak… laguntzen izan dira eta beraiei eskertu beharrean gaude. Horrelako ikuskizun polita egiteko jende asko behar da bidea zaintzen".
