Bizikidetzaren aldeko jaia
Uztailaren 13an, Arrasateko Seber Altube plazan izango da, jatorri ezberdinetatik etorritakoen bizikidetzaren aldeko jaia. Festa horretan gainera, gastronomia ezagutzeko aukera izango da. Festa honetan parte hartzeko izen-ematea zabalik dago eta bihar, izango da izena emateko azken eguna. Horretarako, antolatzaileek bi modu jarri dituzte: https://www.arrasate.eus/eu/
Ekimen honek hainbat helburu ditu, Arrasaten bizi diren biztanleen jatorrizko kultura ezagutzea, herrialde ezberdinetako kulturak erakusgarri izatea eta gizartean parte hartzea, elkarrekiko harremanak eta integrazioa sustatzea. Helburu horiek betetzeko, espazioak elkarbanatzea, bizikidetza bultzatzea eta kultur aniztasunaren aberastasunaz gozatzea beharrezkoa da.
Arroza
Jai honen sinboloa arroza da, kultura guztiak batzen dituen elementu komuna delako. Modu horretan, ekimen honen antolatzaileek sutegiak jarriko dituzte eta izena ematerakoan, talde bakoitzak sutegi bakarra edo bikoitza beharko dituen adieraztea ezinbestekoa izango da. Egunean bertan, hilaren 13an alegia, talde bakoitzari 20 euro ordaindu beharko zaizkio eta janaria prestatzeko beharrezkoa den materiala eta osagaiak talde bakoitzak eraman beharko ditu.