Arrasate Musikal Big Band Talde hau 2000. urtean Jose Ra-mon Elkorok jarri zuen martxan eta egun, Zigor Martinez bergararra da zuzendaria.
Partaide guztiak Arrasate Musikaleko ikasle eta irakasleak dira. 23 lagunek osatzen dute taldea eta musikariak Arrasate eta inguruko herrietakoak dira.Gainera, denetariko instrumentuak entzuteko aukera izango da gaur gaueko kontzertuan, lau tronboi, lau tronpeta, bost saxo, pianoa, gitarra, bateria, perkusioa, baxua eta ahotsa lotzen baititu.
Errepertorioari dagokionez ere, oso zabala da, blues, jazz, latin, bossa, funk eta rock esti-loak lantzen baititu, besteak beste.
Hiru disko eta hainbat kontzertu
Taldeak hiru disko grabatu ditu dagoeneko; lehena Elgetako Espaloian 2005ean, bigarrena 2006ko azaroan eta hirugarrena Durangoko Plateruena Kafe Antzokianzuzenean emandako kontzertuan. Kontzertuei dagokienez ere ibilbide luzea dute, Euskal Herri osoan zehar emanak baitituzte: Arrasaten, Gasteizen, Bergaran, Elgetan, Vianan, Durangon, Ga-tzagan, Donostian eta Amurrion, hain zuzen. Estatuari dagokionez, berriz, Errioxan eta Katalunian eman dituzte kontzertuak eta nazioartean, Munichen.
