Fagor Arrasatek bere berrikuntza teknologikoak erakutsiko ditu bihartik aurrera, Mexikoko Expoacero azokan

Bihar hasi eta eguenera bitartean izango da Mexikon, Expoacero azoka eta Fagor Arrasatek bere berrikuntza teknologikoak erakutsiko ditu bertan, xaflaren ebaketa, lauketa eta prozesatze maila, besteak beste. 121 standean erakutsiko ditu Fagor Arrasatek, "produktibitate altuan, ekipoen sendotasunean eta prozesatutako materialari emandako tratu bikainean" egindako soluzio pertsonalizatuak. 

Expoacero azoka

AIST Mexikok antolatzen duen azoka da Expoacero eta hiru egunez, ia 100 enpresek erakutsiko dituzte beraien produktu zein zerbitzuak. Azokaz gain, 20 hitzaldi eskainiko dira alor siderurgikoaren berrikuntzari buruzkoak.