Topaketako antolatzaile Aitor Lopez pozik zegoen: bailarako, Gipuzkoako eta inguruko beste zenbait probintzietako 151 ibilgailu etorri dira Arruenan egin duten topaketara. Goiena Classic Club elkarteak antolatu du, aurten IV. aldiz.
Motorrak eta autoak egon dira ikusgai, "aurten ez da kamiorik etorri", nabarmendu du Lopezek. Seat 600, Volkswagen escarabajoak, Scord -ak, Land Roverrak... egon dira ikusgai. "Zaindutako ibilgailuak dira, mimo handiz gordetakoak, ondo garbitutakoak...", dio Lopezek.
30 urteko ibilgailuak
Ibilgailu klasiko izendapena izateko ibilgailuak 30 urte izan behar ditu; eta, esan behar da, ibilgailu horiek errepidean ibili ahal izateko moduan daudela; hau da, beharrezko aseguruarekin eta IAT txartelarekin.