Somos Guerreras hirukotearen hip hop indartsuak hartu du Arrasateko gaztetxea

Guatemalako Rebeca Lane-k, Kosta Ricako Nakury-k eta Mexikoko Audry Funk-ek osatzen dute Somos Guerreras taldea. Arrasateko gaztetxean izan dira euren musika eskaintzen. Maila handiko emanaldia izan arren, jende gutxi joan zen musika kontzertura.

"Izugarri ona izan da emanaldia", adierazi du antolatzaile taldeko La Furia musikari ezagunak; hala ere, "jende gutxi" joan zela nabarmendu du, eta "pena" izan zela hori.

Musikalki, maila handikoak

Gaztetxean egon zirenek giro polita jarri zutela gaineratu du, eta hip hop musikarien maila handia izan zela: "Rebeca ezagutzen nuen, eta banekien musikari aparta zela; baina, Somos Guerreras kolektiboa ez nuen ezagutzen", azaldu du La Furiak. Musikalki maila izugarria duten hip hop abeslariak direla nabarmendu du. Gaineratu du Rebecak Arrasaten ezagutzen zuela, eta "Arrasaten gustura" sentitzen dela.

Gaur, Gararen aldeko jaialdian abestuko du Somos Guerreras taldeak, Donostian.