Buztantxorekin batera ospatu dute Arrasate Herri Eskolakoek ikasturte amaierako jaia

Ikasturte amaierako jai handia egin dute Arrasate Herri Eskolakoek. Seber Altube plazan elkartu dira; Buztantxori ongietorria egin diote, eta Makina bat taupada abestia abestu dute bai ikasleek eta baita irakasleek ere.

Arrasate Herri Eskolako ikasle, irakasle eta gurasoak elkartu dira Seber Altube eta Biteri artean. Askotariko ekintzak izan dituzte: puzgarriak, jolasak, zientzia tailerra, gozogintza...

Lehenengo, harrera egin diote Buztantxori eta irakasle eta ikasleek elkarrekin Makina bat taupada abestia abestu dute. Ondoren, erraldoi txikiak ibili dira kalejiran.

Etxeko txikienek Buztantxorekin argazkia egiteko aukera izan dute, horretarako propio prestatuko photocall-ean. Gainera, Arrasateko Herri Eskolako kamisetak saltzen ibili dira. Guraso elkarteko ordezkariek azaldu dute "eguraldia lagun" izan dutela eta jaia "giro onean" ospatu dutela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.