Ez zen final erosoa izan. Andoni Arantzabalek lehen hirukoa saskiratu zuen (2-7), baina Mikel Santanak erantzuna eman zion 11ko berdinketa ipiniz. Bilbotarrek aukera gehiago aurkitu zituzten baina lehen zatiko azken txanpan, Ointxek hiru hiruko sartu zituen (Aranzabal, Lorenzo eta Ceciaga) eta aldea murriztu.
Bigarren zatian, moreek kolpe handia eman zioten finalari. Oiarzabal eta Apellaniz-en hirukoek egoerari buelta eman zioten 3 minututan: 0-15ko partziala eta 28-41ko emaitza. Bilboko taldeak erreakzionatu nahi izan zuen, baina ezinezkoa izan zen urrunetik ez zutelako asmatu. Alkideba Ointxek egoera kontrolatu zuen eta garaipena lortuta, igoera eskuratu.