Hasiera bikaina izan zuen talde arrasatearrak eta Abaskalen taldeak izan zuen defentsa onari aurre egiteko arazorik ez zuen eduki Alkideba Ointxek. Bigarren zatian, gasteiztarrek, defentsan egin zuten indarra eta horrek sentsazio honekin amaitzea ekarri zion taldeari: 17-14, Ointxeren alde. Atsedenaldia eta gero, gasteiztarrek ahalegina egin arren, ez zuten aurre hartzerik lortu eta jada partiduaren emaitza aurreikusi zitekeen. Hala, Gasteiztarrek amaiera arte gogor borrokatu bazuten ere, 87-45 punturekin irabazi zuen Alkideba Ointxek atzo jokatutako bigarren finalerdia."Urteko partidurik onena jokatu dugu. Oso ongi jokatu dute; denek jolastu dute eta bakoitzak bere alea jarri du partidu honetan", dio Txisko entrenatzaileak. La Salleren aurka jokatuko dute gaur finala: "Oso ekipo ona da eta zaila izango den arren, ilusioz eta gogotsu goaz".