Bilbon joko dute gaur, egubakoitza, eta bihar Arrasaten egingo dute Turning Wheels euren hirugarren diskoaren aurkezpena; adituen esanetan, hegoaldeko ukitua duten energiaz betetako hamaika hard-rock kantu batzen dituen bilduma da. "70eko hamarkadako rock eta hard-rock musika egiten du laukoteak, bestelako estiloen eragina badute ere; blues arena, esaterako. Garai bateko Led Zeppelin eta The Black Crowes talde ezagunak datozkit adibide moduan. Eurak bakarrik izango dira oholtzaren gainean, ez da telonerorik egongo, eta ordubete eta laurden inguruko emanaldia eskainiko dute", azaldu du Karmelo Alberdi Kultura teknikariak.