Ane Zuazubiskar nagusi B-Lañon sariketan

Gernikako B-Lañon gazte askok hartu zuten parte, baina Ane Zuazubiskar arrasatearra izan zen onena. Zortzi bertsolariek bikoteka kantatu zuten hasieran: Paule Loizaga eta Aissa Intxausti; Peru Berazategi eta Aratz Igartzabal; Eli Pagola eta Mikel Retolaza; Ane Zuazubiskar eta Asier Galarza. Ondoren, bikoteak hautsi eta bigarren fasera banaka sailkatu ziren honako hauek: Mikel Retolaza, Asier Galarza, Aratz Igartzabal eta Ane Zuazubiskar. Azken biek jokatu zuten buruz burukoa, eta Ane Zuazubiskarrek eskuratu zuen txapela.