Mondrak datorren urteko bazkidetza bat zozketatuko du zapatuan taldea babesten dutenen artean

Mondrak datorren urteko bazkidetza bat zozketatuko du zapatuan taldea babesten dutenen artean
Mondrako kapitain Julen Aranbarri gola ospatzen.

Liga amaitzeko bi jardunaldi geratzen dira, baina Mondrak zapatuan jokatuko du etxean azkenekoz, Debako Amaikak Bat taldearen kontra (16:30), eta zaleen aurrean jokatuko duten azken partidu horretan talde zuri-morea animatzera Mojategira gerturatzen direnen artean bazkidetza bat zozketatuko du klubak.

Ligan zazpigarren postuan dago Mondra (48 puntu) eta Amaikak Bat laugarrena da (50 puntu). Eta, tartean daude Mutriku (49) eta Zarautz (49) moduko taldeak. Bada, oraindik sei puntu daude jokoan eta liga laugarren postuan amaitzeko aukera dute zuri-moreek. Horrek ez du aparteko saririk, baina denboraldia zapore gozoarekin amaitzea ez da gauza txikia. 

Bada, Mojategiko azken jardunaldi horretan zaleen babesa saritzeko klubak zozketa bat jarriko du abian. Bertan, datorren urtera begira bazkidetza bat zozketatuko dute.