Eskaladako eta mendiko erreferenteak pantaila handian, hilaren 21an

Beste behin Besaide MEk Mendi Tour jardunaldia antolatu du, Bilbao Mendi Film Festivaleko lanik ikusgarrienak Arrasaten proiektatzeko. Aurten hiru lan ikusi ahalko dira –Viacruxis, Everest Green eta Age of Ondra–, eta hiru horietako irudi ikusgarrienak baliatuz trailer bat egin dute, ikusleei amua botatzeko asmoz. Gogoratu hitzordua: maiatzak 21, 19:30ean, Amaia Antzokian.