Euskal Ligara igotzeko lehenengo txartelak ihes egin die Mondrako Ohorezko gazte mailako taldekideei. Zapatuan zuten horretarako aukera, Zubietan, eta etxeko zaleen babesa izan zuten arrasatearrek, bi autobus joan zirelako taldea animatzera. Oiartzuarrek eman zuten lehenengo kolpea (1-0), baina zuri-moreak partidua berdintzeko gauza izan ziren (1-1) eta edozer gerta zitekeenean zorigaiztoko jokaldian etorri zen Oiartzunen 2-1ekoa.
Hiruko torneoa bi aste barru
Ametsa, baina, ez da amaitu, oraindik Mondrak posible duelako Euskal Ligara igotzea. Horretarako, bi aste barru Arabako eta Bizkaiko ordezkariekin –euren ligetako bigarren sailkatuak– batera jokatuko duten hiruko torneoa irabazi beharko dute.