Dominekin itzuli dira Arrasate Dragoi taldekoak Aerobikeko Espainiako Txapelketatik

Asteburuan Sorian izan dira Arrasate Dragoi taldeko sei kide eta emaitza "ezin hobeak" eskuratu dituzte bertan jokatu den Aerobikeko Espainiako Txapelketan. Uxue Azkuek urrea lortu du bakarkakoan, Izaskun Garcia-Nahia Irazola bikotea hirugarren izan da eta Sara Yan Azkarate, Nora Marco eta Maider Agirreurreta bosgarren sailkatu dira.

Bestalde, Gipuzkoako Eskolarteko B mailako txapelketan, Uxue Vicariok bigarren postua lortu du Alebin B mailan.