Omenaldi hunkigarria
'Txufi' hunkituta azaldu da omenaldiaren ostean: "Banekien omenaldia egingo zidatela, baina ez nituen hainbeste sorpresa espero eta benetan pozgarria izan da eta hunkitu egin naiz". Izan ere, Arrasateko atletismo saileko kideen artean pasiloa egin diote Mojategiko atletismo pistan eta ondoren, aurrerantzean Mojategin egongo den plaka erakutsi diote. Omenaldia amaitzeko, guztion artean talde argazkia atera dute. Merezitako omenaldia jaso du Zufiriak, Mojategin lan asko egin baitu.