05:10 inguruan sartu dira lapurrak Arrasateko Nafarroa hiribidean dagoen Iratzeder kafetegian. Jabeak GOIENAri azaldu dionez, leihoa puskatuta sartu dira aurreko aldetik eta irten berriz atzetik. Makina txanponjaletik lapurtu dute dirua, jabearen esanetan nahiko kopuru handia izan da eta ondorioz, beldur dira ea horregatik berriz itzultzen saiatuko ote diren. Lapurreta oso azkarra izan dela ere azaldu du, eta udaltzainek oso gutxigatik ez dituztela harrapatu. Izan ere, kafetegia Udaltzaingoaren eta Ertzaintzaren egoitzatik metro gutxitara dago.
Iratzeder kafetegian lapurreta egiten duten bigarren aldia da. Lehenengoa duela hiruzpalau urte izan zen, kasu hartan baina, ezberdina izan zen, lokala ixterakoan leihoa irekita ahaztu baitzuten.
GOIENA Arrasateko Udaltzaingoarekin ere jarri da harremanetan, baina azaldu dute ez dutela baimenik lapurretari buruzko informaziorik emateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.