Bazkaria, poniak eta kontzertuak San Andres Jaietan

Amaia Zabala 2019ko mai. 4a, 18:25

Astearteaz geroztik San Andreseko jaiak ospatzen dabiltza eta gaur puzgarrien, bazkariaren, ponien eta kontzertuen txanda da, besteak beste. Herri bazkaria izan da eguneko ekitaldirik jendetsuena, 180 lagun bildu direlarik. Gauean, berriz, Parabellum eta Bourbon Kings taldeen kontzertuak izango dituzte, eta, antolatzaileek jakianarazi dutenez, jaietako talde "potenteenak" dira, eta, ondorioz, "jende asko" espero dute.

Goizeko 11:00etan hasi dute eguna puzgarriekin eta ondoren poteo herrikoia egin dute Izengabekuak txarangarekin; jarraian, herri bazkaria izan dute, eta antolatzaileak oso pozik geratu dira, lagun ugari bildu baitira. Arratsaldean, poniak eta bigantxak izan dituzte Hiruki plazan.

Gauean, Parabellum,punck rock estiloko talde barakaldoarra, eta Bourbon Kings, heavy estiloko talde nafarra, izango dituzte.

Bihar, azken eguna

Bihar, San Andreseko jaien azken eguna izango da, eta jaiak behar bezala agurtzeko honako egitaraua prestatu dute: 12:00etan Arrasateko erraldoi eta txistulariak; 16:00etan mus txapelketa Tantaka tabernan; eta, azkenik, 18:00etan, Potx eta Lotx pailazoak.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak