Debagoiena Nikaraguarekin plataformak, 'Debagoiena giza eskubideen alde' ekimena jarri zuen abian martxoan eta erakusketa eta hitzaldia antolatu zuten apirila eta maiatza bitarterako. Erakusketa apirilaren 1etik maiatzaren 4ra bitartean, izango da eta hainbat herritan egongo da ikusteko aukera, Arrasate, Oñati eta Aretxabaletan. Hitzaldia berriz, hilaren 29an izango da 18:30etan Kulturaten.
'Nicaragua: Feministak erresistentzian' hitzaldia
Yerling Aguilera, soziologoa, feminista eta Nikaraguarekiko elkartasunaren nazioarteko karabanako kidea da. Ana Marcela Montanaro, berriz, Costa Ricako jurista, feminista eta gizarte eragilea izateaz gainera, aditua da giza eskubideetan eta Begirada bat latinar Amerikako feminismo dekolonialari liburuaren egilea da. Bi emakume hauek izango dira, hilaren 29an, Kulturateko hitzaldiaren hizlariak.