Baleike eta Ezker Anitza batera joango dira maiatzaren 26an

Igor Urizar, Eva Abuin eta Juan Luis Merino, 2018ko uztaileko osoko bilkuran.

"Indarrak batuta" emaitza hobeagoa lortzeko asmoz hartu zuten erabakia joan den asteko ostiralean. Zerrendaren izena ez dute oraindik definitu, baina lehen hiru hautagaiak hauek izango dira, hurrenez hurren: Igor Urizar, Eva Abuin eta Juan Luis Merino. 

Nahiz eta zerrendak norbere aldetik aurkeztu, Baleike eta Ezker Anitza zerrenda bakarrarekin aurkeztuko dira maiatzaren 26ko Udal hauteskundeetan. Zurrumurrua aspalditik entzuten zen, baina halaxe baieztatu dio Baleikeko Igor Urizarrek GOIENAri. Zerrendaren izena oraindik zehaztu gabe dute, baina Elkarrekin Podemos markarekin aurkeztuko dira, eta aurretik Arrasateko zerrendari erreferentzia egingo dion izen propio bat jarriko diotela aurreratu du Urizarrek. Zerrendako lehen hiru hautagaiak, honakoak izango dira, hurrenez hurren: Igor Urizar, Eva Abuin eta Juan Luis Merino. Gainontzeko hautagaiak nortzuk izango diren eta zerrendaren izena zein izango den, aurrerago jakinaraziko dute.

Indarrak batzeari buruz galdetuta, zera adierazi du Urizarrek: "Aurreko hauteskundeetan batera aurkeztuz gero lau eserleku lortuko genituen. Beraz, indarrak batuta, emaitza hobeagoa lortuko dugulakoan gaude". 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.