Ez hori bakarrik, jeltzaleek gogora ekarri baitute joan den asteburuan Arrasateko garbiketa zerbitzuko langileek mehatxuak jasan zituztela: "Kartelik jartzeko baimenik ez dagoen lekuetan panfleto berdinak jartzen ari zen jendeak mehatxuka ekin zien joan den asteburuan Arrasateko garbiketa zerbitzuko langileei eta horren ondoren etorri da aipatutako gertakaria", adierazi dute.
Arrasateko EAJk, "nahikoa dela eta behingoz horrelako jarrera larderiatsu, lotsagabe eta koldarrak buka daitezela" eskatu du, eta gogoratu du jarrera horiek "atzera garamatzatela, iraganera".