Pandero jaialdia egingo dute, panderoak duen garrantzia nabarmentzeko

Iazko pandero jaialdia.

Bigarren pandero jaialdia egingo dute eguenean Kulturaten. Solasaldia egingo dute 18:00etan, eta ondoren emanaldia.

"Bigarren planoan egon izan da beti panderoa; bere garrantzia eman nahi diogu eta lehenengo planora ekarri", azaldu du Maixa Lizarribarrek.

Bizipenak ezagutzeko aukera

Horretarako solasaldia antolatu dute "luxuzko solaskideekin": Ramon Zubizarreta Landakanda, Zumarragako trikitixa eskolako Migel Urteaga Oria eta Manuel Arrizabalaga Izer izango dira solaskideak. Maider Osak gidatuko du saioa eta hiru solaskideak gertutik ezagutu eta euren bizipenak ezagutzeko aukera egongo da. Solasaldia 18:00etan hasiko da; ondoren, jaialdia egingo dute. "Trikitixa eskolako ikasleek emanaldia eskainiko dute, Kulturaten bertan", azaldu du Lizarribarrek. Ordu erdi inguru iraungo du jaialdiak.

Ateak zabalik

Lizarribarrek nabarmendu du ateak zabalik egongo direla joan nahi duten guztiendako. "Trikitixa eskolan badu presentzia panderoak; bada gura dugu kalean ere izatea", dio.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.