Never Surrender talde arrasatearra bi kontzertu emateko itzuli da, eta martxoaren 30ean Tafallako Kube aretoan eskaini zuten bi emanaldi horietako lehena. Ia 700 sarrera salduta, sekulako giroa izan zen kontzertu osoan zehar; giro horren adierazle dira publiko egin berri duten bideoko irudiak. Apirilaren 13an Arrasateko gaztetxean joko dute Kataluniako Batec taldearekin batera; sarrerak ez dira aldez aurretik salduko.
"Eskerrik asko The Potes eta Guilty Brigaderi, eta nola ez, gaua ahaztezin egiteko gerturatu zineten danoi!", adierazi dute sare sozialen bidez. Igo berri duten bideoan Arrasateko laukotearen Latorrizko dominak eta Heriotzaren zerbitzariak abestiak ikus daitezke; Julen Elorza arrasatearrarena da irudien ardura eta Iñaki Zubia oñatiarra arduratu da soinuaz.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.