Eguneko lehen ekintza mural margoketa izan da. 10:00ak aldera jarri dira zeregin horretan, Ferrerias kaleko plazatxoan –Basati taberna alboan– baina murala guztiz amaitu gabe utzi behar izan dute. Muralaren eraikineko bizilagun batek margotzeari uzteko eskatu die horretarako baimenik ez zutelako, eta ostean, salaketa jarri du Udaltzaingoan.
Eguneko bigarren hitzordua Gaztetxean egingo den bazkaria izango da –14:30ean–. Behin tripa beteta, 16:30ean, Gazte Topagunearen aurkezpena eta Ekiñe Casadoren kontzertu akustikoa izango dira leku berean.
Olinpiadak eginez jarraituko dute, 18:00etan, Taupa kanpoaldean. 22:30ean, berriz, gaztetxean, Governors eta DJ Jo Ta Txo-rekin amaituko dute eguna.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.