Feminismoaren aurkako pintaketa berri bat agertu da asteburuan

Portaloiko banku morean, 'Feminazis' hitza margotu dute

Portaloiko banku batean Feminazis hitza margotu dute, hain justu, M8 plataformakoek more kolorez pintatu zuten banku berean. Ez da era horretako lehen ekintza, aldez aurretik feminismoaren aldeko aldarriak boikoteatzeko ekintzak egon baitira Arrasaten. 

Aurrekari horietako bat azaroaren 25aren bezperako asteburuan gertatu zen. Jaiki taldeak Bionako atean egindako pintaketa batean feminismoa hitza ezabatu zuten. Horrez gain, talde horrek jarritako kartel batzuetan feminismoa hitzaren gainean henbrismoa hitza idatzi zuten. Hori ikusita, Pottogorriak, Emakumeen Mundu Martxa eta Jaiki taldeek gertaera salatzeko testua kaleratu zuten. Bertan, eraso matxistatzat jo zuten gertatutakoa "horrelako jarrerak indarkeria edo erailketa matxisten aurrekari direlako".

Bionako atean Jaiki taldeak egindako pintaketa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.