"Garizuma garaian karapaixoa egiteko ohitura handia da eskualdean, aita eta ama puntakoek beren besoetakoei oparitu ohi die. Ohiturarekin jarraituz, baserritarren azokan tailerra egiten dugun laugarren urtea da eta arrakasta handia izan ohi du. Aurten ere jende pila batek deitu du izen emateko baina kopurua mugatua zenez 21 lagunek izango dute karapixoa egiten ikasteko aukera" azaldu du Ana Heriz Arrsateko Udaleko turismo teknikariak.
Tailerra Arrasateko Udalak, Debagoieneko Mankomunitateak eta Deba Garaia Landa Garapen Elkarteak antolatu dute. Tailerraren amaieran Urkimendi baserriko 12 karapaixo zozketatuko dituzte baserriko produktuen azokan erosketak egiten dituztenen artean.