Jira eta bira mendi martxaren ostean, ekimen berri bat dute esku artean Bulkada Berrien Garaia Da Dinamikako lagunek. Arrasateko Bulkaden Eguna antolatu dute martxoaren 30erako, askotariko osagaiak izango dituen egitarauarekin.
Eguna hasteko, murala margotuko dute Irati taberna alboko plazatxoan, 10:00etan. 14:30ean, herri bazkaria egingo dute gaztetxean –txartelak Iratin eta Jai-zalen daude salgai–; 16:30ean, Gazte Topagunearen aurkezpena egingo dute, eta, ostean, Ekiñe Casadok zuzenekoa egingo du. 18:00etan, olinpiadak egingo dituzte, eta, eguna borobiltzeko, Governors taldeak gaztetxean joko du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.