Azkena domeka goizaldean gertatu zen, eta horren harira 2018tik gaur arte izandako kasuen datuak jakinarazi ditu Ertzaintzak. Eraso matxisten kasuan, harreman sentimental bat tarteko gizonezkoek emakumeei egindako erasoak hartzen dira kontuan, eta zifra hauek utzi ditu Arrasateko errealitateak: 32 kasu, 30 salaketa, eta sei atxiloketa.
Ertzaintzaren datuetan, ez da eraso matxista terminologia erabiltzen; genero indarkeria kontzeptua erabiltzen dute, ondorengo arrazoiagatik: "Eraso matxista ez da kode penalean agertzen, ez da ez definizio legal bat, ez delitu bat".
Indarkeria domestikoarekin lotutako datuak ere eman dituzte aditzera. Kasuistika hauen barruan sartzen dira honako erasoak: anai-arreben artekoak, gurasoek seme-alabei egindakoak, seme-alabek gurasoei egindakoak, sexu bereko bikoteen artean emandakoak eta emakumeek gizonezkoei egindakoak. Hauek lirateke azken 14 hilabeteek utzitako datuak:
- Kasuak: 12
- Salaketak: 6
- Atxiloketak: 0
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
