Activos Por Un Mundo Solidario elkarteak dirua batzeko ekitaldia antolatu du, Arizmendi Ikastolarekin eta Arrasateko Udalarekin elkarlanean. Hala, martxoaren 23an, arroz dastaketa solidarioa egingo dute Ferixalekuan.
Jaialdiko osagai nagusietako bat arroza izango da, eta horretarako Alacantetik etorriko den sukaldari baten laguntza izango dute. Alejandro Aviles du izena, eta AMS elkartearekin lanean aritutako da Nikaraguako Diriamba hirian. Bazkaria 14:00etan hasiko da, eta bertan Avilesek hainbat arroz mota prestatuko ditu. Helburu nagusia Nikaraguako proiektuetarako ditu batzea denez, 17 eurotan erosi ahalko dira bazkarirako txartelak.
Baina arroz dastaketa ez da jaialdiko osagai bakarra izango. Informazio eta erakusketa txokoak ere jarriko dituzte, eta bazkarira doazenen artean zozketa bat ere egingo dute. Elkartea lagundu nahi dutenek, bi bide dituzte horretarako: AMSMunduSolidarioa@gmail.com eta 682 34 52 56 telefonoa.