Erasoa 06:00ak aldera gertatu zen, Gipuzkoa etorbidean, bide publikoan. Emakume batek abisua eman zion Ertzaintzari, bere bikotekideak hainbat kolpe eman zizkiola jakinarazteko. Emakumea Debagoieneko Ospitalean artatu zuten, aurpegian kolpeak zituelako, eta gizonezko bat atxilotu zuen Ertzaintzak. Erasoa salatzeko elkarretaratzea deitu du biharko Emakumeen Mundu Martxak; Herriko Plazan, 20:00etan.
Atxilotutako gizonezkoa Bergarako polizi etxera eraman zuen Ertzaintzak, eta epaileren esku utzi zuten atzo goizean bertan. Eraso matxistekin lotutako aurrekaririk zuen galdetuta, Ertzaintzak ez du puntu hori argitu.
Erasoa salatzeko, Arrasateko Emakumeen Mundu Martxa plataformak elkarretaratzea egingo du bihar –20:00etan, Herriko Plazan– eta parte hartzeko deia egin diote herritarrei.
2019 mar 11
Arrasate
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.