Hala, txapelketako urduritasunak alde batera utzi, eta debutean Egiak aurrerapauso handia egin zuen, 14,12 metroko saltoa egiteko gauza izan zen-eta, marka pertsonala modu nabarmenean hobetuta: "20 urtez azpikoen kategorian lehen urtekoa da. Hala, esperientzia apur bat hartzen duenean, marka hori gainditzeko moduan egongo da", adierazi du Fernando Zufiriak. Txapelketan egindako saltoari esker, Egia seigarren postuan sailkatu zen. Mikel Agirre, Valentziara Bestalde, asteburuan Valentzian egingo dituzte 18 urtez azpikoen Espainiako Txapelketak, eta hor ere Arrasateko klubak ordezkari bat izango du, Mikel Agirrek luzera-saltoan parte hartzeko gutxieneko marka du eta (6,62).