Aitortzaren osteko lehena
Iaz, hamar urte bete ziren Isaias Carrasco hil zutenetik, eta, urtero egiten dioten omenaldian EH Bilduko ordezkaritza izan zen lehen aldiz. Horrez gain, azaroaren 24an, Arrasateko udaleko alderdi guztien babesarekin aitortza hunkigarria egin zioten udaletxeko osoko bilkuren aretoan.
Zapatuko ekitaldian, familiakoez gain herritar ugari eta ordezkaritza politika zabala izango dela aurreikusten dute. Bertan izango den ordezkaritza sozialistaren artean, besteak beste, Eneko Andueza PSE-EEko legebiltzarkide eta Gipuzkoako sozialisten idazkari nagusia izango dela jakinarazi dute. Horren harira, otsailean hil zen Paco Garciaren hutsunea sumatuko dute bertan batzen direnek.
