Abian da barne-eraberritzeko plan berezia

Maialen Regueiro 2019ko mar. 4a, 15:38

2000.urtean onartu zen Arrasateko alde zaharra barne-eraberritzeko plan berezia eta ordutik bost aldaketa egin dira, azkena 2011an izan zelarik. Beraz, Arrasateko Udalak hogei urte geroago, prosezua jarri du martxan. Hala, herritarrek beraien proposamenak egiteko aukera izango dute ekainaren 30era bitartean, BAZen bulegoan. 

Herritarren proposamenak

Arrasateko edozein herritarrek edota elkartek hartu dezake parte plan honetan. Proposamenak ekainaren 30era arte helarazi daitezke BAZen bulegoan. Ekainaren 30etik aurrera, jasotako proposamen guztiekin zerrenda egingo da eta irailean hirigintza kontseilua deituko da zerrenda hori aztertzeko. Bilera horren ondoren, dokumentu bat prestatuko da Eusko Jaurlaritzako Kultura sailera bideratuko dena. Are gehiago, Arrasateko Hirigintzako zinegotzi den Ibon Arrupek honakoa adierazi du: "Azken hitza Jaurlaritzarena da". 

Bi urteko iraupena

Prosezu honek bi urteko iraupena izango duela adierazi du Arrupek. Beraz, hurrengo legealdia hastearekin batera, martxan jarriko da plana. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak