Ekin emakumeak elkarteko Jasone Giraldok egin zuen erakusketaren aurkezpena. "Hiru hitzetan laburbilduko nuke hemen jasotzen dena: emakumea, sormen prozesuak eta adorea. Emakumea, emakumeon espresio zabal eta gordinak agerian uzten dituelako. Sormen prozesuak, artista bakoitzak, introspekzio ariketa bat eginez, bere begiradatik, mundua ikusteko eta ulertzeko era ezberdin eta anitzak daudela erakusten duelako. Eta adorea, artearen munduan emakume izateak dakarren zamari aurre eginez, sinisten duten horretan, etsi gabe, dihardutelako".
Arrasateko emakume artisten jabetzarako gune bat eraiki, horiek egiten duten lanari ikusgarritasuna eman, eta sortzaileen arteko sareak ehuntzeko helburuarekin abiatu zuen 2015ean Ekin Emakumeak Elkarteak 'Artean' ekimena. Bada, atzo inauguratu zuten erakusketaren hirugarren edizioa, zuzeneko emanaldi –flamenko dantzak barne– eta guzti. Erakusketa Kulturateko klaustroan ikusi ahalko da, martxoaren 29ra arte.
Erlazionatuak
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak