15 lan aurkeztu dira Martxoak 8ko XXII kartel lehiaketan eta Leire Arregi Vicenteren kartelak irabazi du. Arregik 'begietara begira' leloarekin aurkeztu zuen lana eta "begien eta begiraden joko interesgarria egiten du kartelean eta lehiaketako leloak barnebiltzen dituen alderdi edo eta urratsak oso modu indartsuan adierazten ditu".
Lehiaketara aurkeztu diren lanekin erakusketa osatuko da eta kartel guztiak ikusteko aukera egongo da, martxoaren 4etik 15era, Emakume Txokoan.
Ordutegia honakoa izango da: astelehenetik ostegunera 15:30etatik 18:30etara bitartean eta egubakoitzetan 10:00etatik 14:00etara bitartean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.