'Familia jolasean' ekimena eta martxorako ekintza bereziak, Arrasateko ludoteketan

Okendo ludotekan egiten den Familia jolasean ekimenak orain arte izandako harrera ona dela eta, beste hitzordu bat antolatu dute otsailaren 24rako. 17:00etan hasi eta 19:00ak bitartean 0-8 urte arteko haur eta familiek jolasteko aukera izango dute. Horrez gain, martxorako hiru ekintza berezi antolatu dira: yoga tailerra, sormen koktela eta street boulder. 

Martxoko ekintza bereziak

Martxoan Arrasateko ludoteketako erabiltzaileek hiru ekintza bereziez gozatzeko aukera izango dute. Lehena, martxoaren 1ean izango da Usaetxeko ludotekan. 4 eta 7 urte bitarteko haurrek yoga tailerraz gozatu ahal izango dute, 17:30etatik 19:00ak bitartera. Martxoaren 15an, berriz, sormen koktela egingo duute Okendoko ludotekan, 17:00etatik 19:00ak bitartean. Azkenik, street boulder ekintza egingo dute martxoaren 29an, Santamainako ludotekan, 17:00etan hasi eta 19:00ak bitartean. 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.