Saioa datorren martitzenean egingo dute, 18:30ean, Kulturateko areto nagusian, eta bertan honako lagunek hartuko dute parte:
- Luke Uribe-Etxebarria (EAJ)
- Pello Urizar (EH Bildu)
- Julen Bollain (Elkarrekin Podemos)
- Moderatzailea: Irati Elizalde (GED)
Zera adierazi dute saioa antolatzaile diren Arrasateko Gure Esku Dago dinamikako lagunek: "Autogobernu ponentziak eragingo duen estatus politiko berri baten atarian gaudenez, sukalde lanetan, berau lantzen ibili direnen ikuspuntuak, argudioak eta, batez ere, akordio eta elkarguneak herriratzea ezinbestekotzat jo dugu. Beraz, datorren otsailaren 26an, arratsaldeko 18:30ean, Kulturateko Areto Nagusian, Arrasateko GEDk antolatutako mahai inguruan, aukera ezin hobea izango dute herritarrek autogobernu ponentziak eman dituenak zuzen zuzenean ezagutzeko".