Askotariko belarren usainak nagusitu da goizean, Seber Altuben egin den baserritarren azokan. Ekoudalatxeko lagunek ukenduak prestatzeko ikastaroa egin dute, eta 30 lagun inguruk egin dute bat ekimenarekin. Azaleko gaitzen aurkako ukendua egiten ikasi dute, zauriak, erredurak eta bestelakoak sendatzeko aproposa dena.
Betiko postuek ere ez dute kalerik egin; gazta saltzaileena, egurrezko tresnena, barazkiena... euren alboan izan dira M8 plataformako lagunak. Txapak eta besokoak jarri dituzte salgai, baina ez hori bakarrik. Martxoak 8ra begira photocalla ere jarri dute, eta esku orri informatiboak jarri dituzte mahai gainean, behar zuen orok har zitzan.
Azokak erre izan ditu beste gonbidatu batzuk. Korrikak bere postutxoa ere jarri du, Klika leloa zuten askotariko arropak saltzeko.