2018an 25. urteurrena ospatu zuten Ttakunekoek eta aurtengo topaketa ere ekimenez beteta egongo dela adierazi dute. Asmoa da 50 lagun ingururendako autobusa antolatzea, eta otsailaren 22an Iturrieta sagardotegira joatea jai giroan gozatzera.
Sagar Challenge erronka izango da aurtengo berrikuntza, umorez betetako erronka honetan ez da sorpresarik faltako.
Egitaraua:
- 19:00: Poteo animatua Jaizale tabernan hasita.
- 20:30: Autobus irteera Garibai geltokitik.
- 20:45: Poteoa Aramaion.
- 21:30: Afaria Iturrieta sagardotegian.
- 00:00: Sagar Challenge.