Igor Urizarrek errepikatu egingo du Baleikeren alkategai gisa

Xabi Gorostidi 2019ko ots. 7a, 17:09
Ahal Dugu Arrasateko partaideak, astelehenean egindako batzarrean.

Astelehenean egin zuten Udal hauteskundeetarako hautagaiak aukeratzeko batzarra Ahal Dugu Arrasateko partaideek, eta aho batez onartu zuten Urizar zerrendaburu izatea, eta baita Eva Abuin bigarren izatea ere. Agintaldi honetan hartutako esperientzia faktore garrantzitsua izan da bi zinegotziak aukeratzeko. 

Azpimarratu dute, ordea, zerrendak ez daudela guztiz itxita: "gizarte zibileko jendea integratzeko abagunea dago, independente bezala, eta borondatea duen eta proiektuaren gida lerroak partekatzen dituen edonori ateak zabalduko zaizkio" azaldu dute.

Ez diote atea ixten aurrerantzean beste alderdi batzuekin batera aurkezteari: "Beste indar politikoekin hitz egiten dihardugu hurrengo hauteskundeei begira, baina oraindik erabateko akordioa ez da burutu". 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak