Sakana Group eta Kunshan Fucai Precision Machinery saritu ditu Fagor Arrasatek, 2018ko hornitzaile on gisa. Sakana Group, Lakuntzan dago eta pieza handiak galdatzeaz gainera, mekanizatzen espezializatuta dago. Kunshan Fucai Precision Machinery, berriz, Txinan dago eta prezisioko makinak ekoizten ditu. Fagor Arrasatek bi enpresa hauen kalitate-bikaintasuna, entrega-epeen betetze maila altua eta lehiakortasuna saritu ditu.
Fagor Arrasateren identitatean daude bere partnerrekin duen kolaborazioa, hurbiltasuna eta beraiekin batera egiten duen lana. Lehen mailako hornitzaileekin duen kolaborazio estuari esker, Fagor Arrasate mundu mailan ekipo ondasunen diseinu eta fabrikazioan lider bihurtu da, prentsa eta estanpaziorako instalazio automatikoak eta altzairu edo aluminioa ebakitzeko lineak ekoizten dituelarik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.