Arrasate Dragoi Gimnasia taldeak asteburu honetan hasiko du 2018-19 denboraldia Bergarako Labegaraieta kiroldegian jokatuko den Eskolarteko amateur mailako lehenengo fasearekin.
Bertan, kadete mailan taldeka arituko dira pilota eta uztaiarekin. Jubenil mailan bakarka pilotarekin egingo du Noah Berrocalek bere ariketa; taldekako mazoetako ariketan berriz, bi taldek hartuko dute parte. Eta seniorretan, Maitane Ugarte pilotarekin arituko da, taldeka mazoekin eta pilotarekin ibiliko direlarik.
Aurten, 140 gimnastek osotzen dute dragoien taldea eta nahiz eta aurreko urteetan izan duten entrenatzeko leku falta pairatzen jarraitu, ilusioz eta indartsu hasi nahi dute denboraldia.