Aste honetako ostegunean, hilak 31, Giante hardcore taldea ikusi ahal izango dugu Arrasateko Gaztetxean. Gasteizko hardcore taldeak zuzeneko indartsua izateko fama irabazi du oso denbora laburrean eta giro ona sortuko dela espero da.
Gasteiztarrek hainbat bideoklip kaleratu dituzte dagoeneko eta This is fine izeneko lan luzea izan da kaleratu duten azkeneko edukia. Arrasatekoaz aparte eskainiko dituzten emanaldien artean Azkena Rock jaialdian eskainiko dutena aipatu behar da.
