'Üda batez' zuberoako dantza garaikide ikuskizuna eskainiko du Kompany Beritzak Arrasaten

Zuberoako balet garaikidea ezagutzeko aukera izango da otsailaren 9an, Amaia Antzokian. Üda batez ikuskizuna Kompany Beritza kultur elkarteak sortu du, Zuberoako dantza eskoletako 25 dantzarirekin. Arrasatekoa izango da Hego Euskal Herrian egingo duten emanaldi bakarra.

Arrasateko eta Zuberoko euskaltzaleek aspalditik daukaten hartu-emanari esker sortu dela "ikuskizun paregabeaz gozatzeko aukera", adierazi dute Arrasateko antolatzaileek, besteak beste Portaloi Taldea, Lore Gazteak eta Arrostaitz dantza taldeak eta Geike; eta gaineratu dute: "Jarrai dezagun, bada, hego-ipar zubiak eraikitzen, euskaratik eta elkartasunetik". Hala, Kompany Beritza elkartearen helburuetako bat Zuberoaren eta, oro har, Euskal Herriaren sustapenean laguntzea izanik, ikuskizunarekin jasotzen duten diruaren zati bat Zuberoako euskalgintzara bideratuko da.

PierPol Berzaitz eta Jean-Dominique Espil zuberotarrek 1998. urtean sortutako interes orokorreko kultura elkarte bat da Kompany Beritza. Eta haren helburuen artean dago euskal kultura, bereziki Zuberoakoa, bultzatzea, ildo garaikide batean. Eta hori bereziki hiru arlotan lantzen dute: kantugintzan, dantzan eta antzerkian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.